Evrópuvika vinnuverndar er haldin á hverju ári í október (43. almanaksvika) og er hápunktur allra kynningarherferða um heilsusamlega vinnustaði. Hundruð viðburða til að vekja athygli á málstaðnum vítt og breitt um Evrópusambandið og aukinn fjölmiðlaumfjöllun gera þátttöku í þessari kynningarherferð að einstöku tækifæri fyrir þitt fyrirtæki.
Sérstakar kvikmyndasýningar, viðburðir á samfélagsmiðlum, ráðstefnur, myndlistasýningar, samkeppnir og námskeið eru aðeins brot af þeim viðburðum sem fara fram á Evrópuvikunni. Ef þú ert með hugmynd að vitundarvakningu, eða vilt fara af stað með langtímaverkefni í vinnuvernd sem tengist kynningarherferðinni Heilsusamlegir vinnustaðir fyrir alla aldurshópa, þá gæti Evrópuvikan verið kjörið tækifæri til að tryggja að þinn viðburður fái þá athygli sem hann á skilið.
EU-OSHA og samstarfsaðilar stofnunarinnar standa að Evrópuvikunum en hver og ein byggir á þema viðkomandi herferðar og miðar að því að auka vitund fólks á mikilvægi virkrar stjórnunar á öryggi og heilbrigði á vinnustöðum þar sem allir taka þátt.
Þú getur nálgast frekari upplýsingar um viðburði Evrópuvikunnar sem eru nálægt þér hjá landsskrifstofunni þinni og hún getur einnig aðstoðað þig við að skipuleggja viðburð.
