Xogħol mill-bogħod u ibridu
Ix- huwa meta impjegat jaħdem lil hinn mill-bini tal-impjegatur, inkluż mid-dar, bl-użu ta’ teknoloġiji diġitali bħal kompjuters personali, smartphones, laptops, pakketti ta’ software u l-Internet. Meta x-xogħol mill-bogħod jiġi kkombinat ma’ xogħol mill-bini tal-impjegatur, dan jissejjaħ xogħol ibridu.
Filwaqt li l-ħaddiema mill-bogħod jibbenefikaw minn skeda tax-xogħol aktar awtonoma u flessibbli, din tista’ tkun is-sors ta’ xi sfidi. L-ewwel nett, ir-riskji psikosoċjali (li jirriżultaw mill-iżolament soċjali, l-intensifikazzjoni tax-xogħol, is-sigħat ta’ xogħol irregolari u żbilanċ bejn il-ħajja personali u l-ħajja tax-xogħol) jistgħu jwasslu għal stress u mard mentali. It-tieni nett, ħin twil bilqiegħda jżid ir-riskju fiżiku ta’ disturbi muskoloskeletali, bħal uġigħ fil-parti t’isfel tad-dahar.
Għalkemm mhuwiex faċli għall-impjegaturi li jwettqu valutazzjonijiet tar-riskju tradizzjonali għas-saħħa u s-sigurtà f’dar il-ħaddiem, il-valutazzjonijiet tar-riskju huma aktar meħtieġa minn qatt qabel. Bħala tali, huwa importanti li nżidu l-għarfien tagħna dwar il-prattiki u l-għodod prattiċi tal-OSH relatati max-xogħol mill-bogħod.
Sir af aktar dwar il-fatturi ta’ riskju assoċjati max-xogħol mill-bogħod u ibridu u kif għandhom jiġu evitati jew minimizzati.