Trid tappoġġja l-Kampanja dwar il-Postijiet tax-Xogħol li jġibu ’l quddiem is-Saħħa? Inti tista’ torganizza l-avvenimenti u l-attivitajiet jew anki tagħmel il-kampanja tiegħek stess. Il-Ġimgħa Ewropea għas-Saħħa u s-Sigurtà fuq il-Post tax-Xogħol li ssir f’Ottubru (ġimgħa 43 tal-kalendarju) kull sena toffri opportunità ideali biex tinvolvi ruħek. Inti tirċievi ċertifikat ta’ parteċipazzjoni bħala rikonoxximent tal-kontribuzzjoni tiegħek.
Il-kampanja għandha l-għan li tippromwovi l-immaniġġjar b’mod tajjeb tas-saħħa u s-sigurtà fuq il-post tax-xogħol fil-kuntest tat-tema tal-kampanja u tenfasizza l-bżonn li kulħadd - l-impjegaturi, il-maniġers, il-maniġers tar-riżorsi umani, u l-ħaddiema u r-rappreżentanti tagħhom - jaħdem flimkien. Kulħadd hu mħeġġeġ biex jieħu sehem, billi kull kontribuzzjoni tgħodd.
Agħti ħarsa lejn it-taqsimiet l-oħra ta’ Involvi ruħek fis-sit web tagħna biex tiskopri aktar.
Imla l-formola u niżżel iċ-ċertifikat tiegħek.